Upplýsingar fyrir lántaka
Allt sem skiptir máli eftir að lánið er komið: yfirlit, innborganir, uppgreiðsla, vextir og hvert á að senda fyrirspurnir.
Fyrirspurnir
Almennar fyrirspurnir um þjónustu ALÍSU: alisa@alisa.is
Staða lána og greiðslufyrirmæli: bakvinnsla@alisa.is
Mánaðarleg yfirlit
Mánaðarlega er sent yfirlit í heimabanka greiðanda með stöðu láns.
Í lok árs er sent skjal með stöðu láns og sundurliðuðum færslum ársins.
Seðilgjald
Seðilgjald er 790 kr. og miðast við að lánið sé í beingreiðslu og að greiðsluseðill sé eingöngu rafrænn.
Greitt inn á lán eða upp
Hægt er að greiða inn á lán eða greiða upp lán án kostnaðar. Óskaðu eftir stöðu láns og bakvinnslan sendir til baka stöðu og greiðslufyrirmæli.
Vextir lána
Vextir bíla- og tækjalána ALÍSU eru breytilegir, þar sem vaxtafótur er 1 mánaðar Reibor vextir auk fasts álags. Reibor vextir geta breyst og eru skráðir daglega á síðu Seðlabanka Íslands.
Vaxtaálagið er metið í upphafi lánveitingar og er fast eftir það. Matið byggir meðal annars á lánshæfismati, aldri og gæðum veðs, veðhlutfalli og lánstíma.
Greiðsluáætlun
Greiðsluáætlun miðast við vexti í upphafi láns. Ef Reibor vextir breytast hefur það áhrif á framtíðargreiðslur af láninu.
Greiðsluáætlun fylgir skuldabréfinu og þar koma einnig fram upplýsingar um ráðstöfun andvirðis bréfsins við útgreiðslu.
Spurningar og svör
Finnurðu ekki svarið? Hafðu samband eða hringdu í 556-7000.
Hvað hefur áhrif á lánskjör og upphæð lána?
Lánshæfi greiðanda hefur áhrif á endanleg lánakjör og þá sérstaklega lánstíma og upphæð láns. Aldur bifreiðar eða tegund bifreiða/tækja hefur einnig áhrif.
Hvað er hægt að fá langt lán á bifreið?
Miðað er við að lánstími og aldur bifreiðar fari ekki yfir 12–15 ár (fer eftir lánshæfi og tegund bifreiðar). Hámarks lánstími er 7 ár.
Er hægt að greiða upp lán?
Já, það er hægt. Sendu beiðni um stöðu láns og greiðslufyrirmæli á bakvinnsla@alisa.is.
Get ég greitt inn á lán?
Já. Ef það er gert er mikilvægt að í tilvísun millifærslu komi fram bílnúmer/fastanúmer. Ef lánið er í skilum fer greiðslan fyrst inn á áfallna vexti og síðan höfuðstól. Ef greitt er í upphafi mánaðar fer greiðslan að mestu inn á höfuðstól.
Hver er munurinn á jafngreiðsluláni og almennu láni?
Jafngreiðslulán miðast við að greiða sömu mánaðarlegu upphæðina (m.v. að vextir breytist ekki) af láninu. Þannig er stærri hluti greiðslunnar í upphafi vextir en greiðsla inn á höfuðstól láns lægri. Í almennu láni er jöfn afborgun af láni í hverjum mánuði þannig að greiðslubyrði er hærri í upphafi en lægri þegar líður á lánið (vaxtagreiðsla minnkar).